«АШЫҚ ЕСІК КҮНІ»

   Шымкент қалалық білім басқармасына қарасты №26 Жамбыл атындағы мектеп-гимназиясында «Мектеп өмірінің бір күні» тақырыбында ашық есік күні ұйымдастырылды. 

   Іс-шараның мақсаты: мектептің тынысымен ата-аналарды таныстыру, оқу бағдарламасымен, мектептегі әр түрлі жобалармен, балалардың бос уақытын тиімді пайдалу бойынша түрлі бағыттағы үйірме жұмыстарының жүргізілуі туралы ақпарат беру,  ұжым мен оқушы жетістіктерін насихаттау,  дарынды әрі талантты балалардың жетістігін үлгі ету, «Мектеп - Ата-ана - Оқушы» – Үштік Одағының жұмысын ұштастыру. 

   Іс-шарада мектептің жеткен жетістіктері туралы бейнекөрсетілім, «Өнертапқыштар алаңы», «Жас суретшілер», «Салт-дәстүрім таусылмайтын байлығым» көрмелерін, мектептің жас ғалымдарының ғылыми жұмыстары тамашалаудан бастау алды.       

   Сонымен бірге ашық сабақтар мен тәрбие сағаттары, спорттық ойындар, дебат сайыстары, мектеп парламент жұмыстары, мектеп кітапханасының оқуға құштар жобасы аясындағы жас буындарды кітап оқуға баулу мақсатында атқарылып жатқан жұмыстармен таныстырылды.