«СЫҢҒЫРЛА, СОҢҒЫ ҚОҢЫРАУ» ТҮЛЕК-2022

Шымкент қаласы білім басқармасына қарасты №26 Жамбыл атындағы мектеп-гимназиясында «СЫҢҒЫРЛА, СОҢҒЫ ҚОҢЫРАУ» ТҮЛЕК-2022 тақырыбында 25 мамыр соңғы қоңырау салтанатты іс-шарасы болып өтті. Салтанатты жиында мектеп-гимназия директоры Кайкенова Гулсара Жумадуллақызы ұстаздар мен ата-аналарды және оқушыларды биылғы оқу жылының сәтті аяқталуымен құттықтап, педагогика саласында жетістікке жеткен бірқатар ұлағатты ұстаздар мен үздік оқушыларды марапаттап, түлектерге ақ жол тіледі.      

     Салтанатты жиынға арнайы келген қонақтар, қалалық білім басқарма басшысының орынбасары -  Бектаева Перизат Абдікарімқызы, қамқоршылық кеңесінің төрайымы - Бектурганова Лейла, ата-ана комитетінің төрайымы - Абдрахимова Күлбара, қамқоршылық кеңесінің мүшесі – Толегенова Гүлбану мектеп ұжымын биылғы жеткен жетістіктермен құттықтап, түлектерге жарқын болашақ тіледі.

      Мерекелік іс-шара жоспарға сай өз деңгейінде ұйымдастырылып, келген қонақтар мен ата-аналар ризашылықтарын білдірді. 

       Үлкен өмір жолына қадам басып бара жатқан мектеп бітіруші түлектерге сәт сапар тілейміз.

АҚ ЖОЛ ЖАС ТҮЛЕК 2022!!!