02
декабрь
2022
«САЛАУАТТЫ ӨМІР САЛТЫ-ДЕНСАУЛЫҚ КЕПІЛІ»
Шымкент қалалық білім басқармасына қарасты №26 Жамбыл атындағы мектеп– гимназиясында тәрбие бағытының «САЛАУАТТЫ ӨМІР САЛТЫ» жобасы аясындағы жоспарына сәйкес, 5-9 сыныптар арасында «Дені сау ұлт-болашаққа нақты қадам» атты денсаулық фестивалі болып өтті. Фестивалдің «Көңілді сөре» топтық жарысында 9 «Г» сыныбы жүлделі орыннан көріне білді.
5 сыныптар арасында «Әкем, анам және мен» тақырыбында отбасылық толағай спорттық сайысы ұйымдастырылды. Толағай спорттық сайысында «Жұлдыз», «Қыран» және «Бүркіт» отбасылық топтары өз ара бақ сынасып, «Қыран» тобы қарсыластарынан басым болып жеңімпаз аттанды. Шараның мақсаты ата-аналар мен балаларды бірге қатыстыра отырып, баланы өмірде белсенді болуға, қимыл-қозғалыс қабілеттерін дамытуға және салауатты өмір салтына тәрбиелеуге үйрету болып табылады.
Ұйымдастырылған іс-шараларда жеңімпаз болған оқушыларды мектеп әкімшілігі марапаттап, денсаулық фестивалін өз деңгейінде ұйымдастыра білген 5,9 сынып жетекшілеріне және дене тәрбиесі мұғалімдеріне алғыс білдірді.
Сонымен бірге «Бізде қонақта!» айдары бойынша 8-11 сынып оқушыларына «ЖИТС-тің алдын алу және оған қарсы күрес жөніндегі орталығының» маманы Н.Жургенбаева, «АИТВ/ЖИТС-тің алдын - алу шаралары» туралы, биология пәні мұғалімі М.Қуанышова «Есірткісіз және ЖҚТБ-сыз әлем» тақырыптарында оқушылармен дәріс өткізді. Мамандар оқушыларға АИТВ/ЖИТС алдын-алуы туралы шынайы ақпарат бере отырып, оларды қауіпсіз мінез-құлық дағдысына үйрету және АИТВ-мен өмір сүруші адамның құқықтарына құрмет көрсету жолдарын түсіндірді.
«Салауатты өмір салты – денсаулық кепілі» атты тәрбиелік іс-шараларға оқушылар мен ата-аналар және ұстаздар белсенді түрде қатысып, салауатты өмір салтын қалыптастыруға, үгіттеуге өз үлестерін қосты.
