«ТАҒЛЫМДЫ ТӘРБИЕ-БАЛА БОЛАШАҒЫ»

«Мектеп өмірінің бір күні» жобасы аясында Шымкент қалалық білім басқармасына қарасты №26 Жамбыл атындағы мектеп-гимназиясында «Үштік одақ» шеңберіндегі жұмыстарды жандандыру мақсатында жаңа форматта ата-аналар жиналысы ұйымдастырылды. 

Мектеп-гимназия директоры Г.Ж.Кайкенованың және директордың тәрбие ісі жөніндегі орынбасарлары Ф.К.Отегенова, Н.Т.Байдаулетовтің «Тағылымды тәрбие -бала болашағы» тақырыбында жаңа форматта ұйымдастырған бұл ата-аналар жиналысында мынандай мәселелер күн тәртібіне қойылды: 

1. 2022 - 2023 оқу жылының мақсаты мен міндеттері.

2. І-тоқсан білім сапасын ата-аналарына таныстыру. 

3. Балалардың бос уақытын тиімді пайдалану.

4. Жасөспірімдер арасындағы құқықбұзушылықтың алдын-алу.

5.«Жүрек жылуы» ата - аналарға арналған тренингтер. 

6. Әр түрлі мәселелер. 

Мақсаты: 

1. Ата - ананың өмірге деген көзқарасын өзгерту.

2. Ата - аналарды балаларға жауапкершілікпен қарауға шақыру.

3. Баланың бүгінгі істеген қадамы ертеңгі тұлға ретінде қалыптасуына үлкен әсер ететінін атап өту.

Қазіргі кездегі баланың дамуына,жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып,тиімді қарым-қатынас орнату. 

Жиналыста ата-аналар бала тәрбиесіндегі кемшіліктер мен қателіктер туралы өзара және ұстаздармен пікір бөлісті. Балаға қатысты әртүрлі жағдаяттарда не істеу керектігі жөнінде өз ойларымен бөлісті. Жиналыс соңында кері байланыс алынып, ата-аналардың ұсыныс тілектері тыңдалды. 

Ұрпақ тәрбиесі–ең ұлы міндет десек, осы міндетті мүлтіксіз орындау мектеп педагогтарымен қатар ата-аналардың да жауапкершілігінде. Сондықтан жиынның түйіні – бала болашағын қалыптастыруда ата-ана мен ұстаз үнемі бірлекте болуы керек екенін естен шығармау.

Осындай жиналыстар ұстаз бен ата-ананың арасын жақындастырады. Келген барша ата-аналар мектеп әкімшіліне алғыстарын білдірді.