«ТӘУЕЛСІЗ ЕЛДІҢ ҰЛАНЫМЫЗ!»
Шымкент қалалық білім басқармасына қарасты №26 Жамбыл атындағы мектеп-гимназиясында «16 желтоқсан Қазақстан Республикасының Тәуелсіздік күні» мерекесін атап өту жоспарына сәйкес 1-4 сыныптар арасында «Тәуелсіз елдің ұланымыз» тақырыбында сурет салу акциясы ұйымдастырылды. Сурет салу барысында оқушылар бейнелеу өнеріндегі қабілеттерін сынасып, бояулардың құпиясына бойлап, шығармашылық таланттарын көрсете білді.
Сонымен бірге Тәуелсіздік күнін мерекелеу аясында мектебіздегі қазақ тілі бірлестігінің ұстаздары 8-10 сыныптар арасында «Тәуелсіздік бәрінен қымбат» тақырыбында эссе байқауы өткізіле, 5-11 сынып оқушылары арасында шахмат, тоғызқұмалақ және эстафета бойынша спорттық жарыстар ұйымдастырылды.
Бұл байқаулардың мақсаты – келер ұрпақтың бойында Отанға деген махаббат пен рухты ояту, шығармашылық қабілеттерін жетілдіру, дарынды жастарға қолдау көрсету және балалардың бойындағы төл тарихқа деген құрметін қалыптастыру болып табылады.
Ата - бабамыз ғасырлар бойы армандап өткен тәуелсіз ел болу мәртебесін көру – бүгінгі ұрпаққа бұйырған зор бақыт. Осы қуанышымыз құтты, бақытымыз баянды болсын. Жаңа ғасырда қайта түлеген, жасарып, түрленген еліміздің тәуелсіздігі тұғырлы болғай!
