«ХАЛЫҚАРАЛЫҚ ОЛИМПИАДА ЖҮЛДЕГЕРІ»

2004 жылдан бері өткізіліп келе жатқан World Robot Olympiad (WRO) халықаралық олимпиадасы биыл Германияның Дортмунд қаласында өткізілді. Осы дүбірлі додаға еліміздің намысын Шымкент қалалық білім басқармасына қарасты №26 Жамбыл атындағы мектеп-гимназиясының 11 сынып оқушысы Михаш Бейбарыс пен №9 IT-лицейінің оқушысы Иманғали Мыңжасар қорғап шықты. 

Әлемнің 73 елінен 365 команда, әлем бойынша 15000 қатысушы қатысқан бұл дүбірлі додада Қазақстан намысын қорғаған Михаш Бейбарыс пен Иманғали Мыңжасар топ жарып шығып, әлем бойынша ІІ-орынды жеңіп алды. 

Оқушымыз Михаш Бейбарысқа алғысымыз шексіз, шәкірттімізді жеңісімен құттықтаймыз. Оқу-ағарту министрі Асхат Аймағамбетовтен арнайы құттықтау алған Бейбарысқа, жетекші ұстаздарына және ата-анасына мыңда да бір Рахмет!!!