«МЕКТЕПКЕ ЖОЛ» АКЦИЯСЫ

     Шымкент қалалық білім басқармасына қарасты №26 Жамбыл атындағы мектеп-гимназиясында «Мектепке жол» жалпы қайырымдылық акциясы аясында біршама жұмыстар атқарылды. 

    Акция аясында 520 (бес жүз жиырма) балаға міндетті білім қорынан 41(қырық бір) мың теңгеден қаржы беріліп, демеушілер есебінен 5 (бес) оқушыға талапқа сай мектеп формасы мен оқу құралдары алып берілді.  

    Акцияның мақсаты: жаңа оқу жылына дайындық уақытында аз қамтамасыз етілген және көпбалалы отбасылардан шыққан оқушыларға қолдау көрсету; баланың әлеуметтік себептермен мектепке келмей қалуының алдын алу; жетім балаларға, ата – анасының қамқорлығынсыз қалған балаларға, көп балалы, тұрмыс жағдайы төмен отбасыларына нақты көмек көрсету болып табылады. 

   Мектебімізде «Мектепке жол» жалпы қайырымдылық акциясы бойынша жұмыстар жоспарға сай атқарылып отыр.