«ЕЛ ҮМІТІН АҚТАҒАН, ЕР АТАҒЫН САҚТАҒАН-САБЫР БАТЫР»

Қазақ халқының даңқты ұлдарының бірі, генерал –майор Сабыр Рахымовқа 120 жыл толуына орай Шымкент қалалық білім басқармасына қарасты №26 Жамбыл атындағы мектеп-гимназиясында батырдың есімін ұлықтау және олардың ерлік жолдарын болашақ Отан қорғаушыларға үлгі тұту, сондай-ақ, жастардың бойында патриоттық рухты шыңдау мақсатында бірнеше танымдық іс-шаралар ұйымдастырылды.

Атап өтер болсақ 10 сыныптар арасында С.Рахымовтың 120 жылдығына арналған «Ел үмітін ақтаған, ер атағын сақтаған-Сабыр батыр» тақырыбында ашық тәрбие сағаттары өтсе, мектебіміздің SMART сарбаздары арасында батырдың құрметіне әскери сайыс сабақтары ұйымдастырылды.

Тәрби сағаты барысында қазақтан шыққан тұңғыш генерал туралы баяндамалар оқылып, естелік бейнероликтер мен суреттер көрсетіліп, жыр шумақтары оқылды. Сонымен бірге патриоттық әндер шырқалып, «Майдан даласындағы Сабыр» атты театрландырылған қойылым қойылды.

Мектеп-гимназия директоры Г.Ж.Кайкенова танымдық іс-шараға белсене ат салысқан сынып жетекшілер Г.Беделбаева, Г.Райбекова және К.Маиысоваға алғыс білдірді.