«ҚАЗАҚ ПРОЗАСЫНЫҢ ЗАҢҒАРЫ»

Жазушы, драматург, әдебиетші-ғалым, абайтанушы М.Әуезовтың туылғанына 125 жыл толуына орай Шымкент қалалық білім басқармасына қарасты №26 Жамбыл атындағы мектеп-гимназиясында «Қазақ прозасының заңғары» тақырыбында танымдық сабақтар, эссе байқаулары, ашық тәрбие сабақтар өтіліп, жыр шумақтарынан үзінділер оқылды. 

Атап өтер болсақ 5, 8 сыныптың жетекшілері Кульбаева Жанерке, Рыскулова Шолпан, Шыршыкбаева Салима т/б ұстаздардың өз сыныптарымен өткен ашық тәрбие сабақтарында оқушылар, қазақтың көрнекті жазушысы, ұлт мақтанышы Мұхтар Әуезов шығармашылығы мен еңбектерін талдап, әңгімелерінен үзінділер оқып, даналық сөздерімен жарысты.

Мақсат: М.Әуезовтың өмір жолы, шығармашылық қызметі жайлы мағлұмат бере отырып, жазушының әлемдік мәдениетке қосқан үлесі туралы оқушылардың білімін, ой-өрісін жетілдіру. Қазақ елінің мақтанышына айналған заңғар жазушыны құрметтеуге, оқушыларды елін сүюге, әдебиетті білуге тәрбиелеу болып келеді.