«ЕРЛІККЕ ТАҒЗЫМ: Т.БИГЕЛДИНОВКЕ 100-жыл»

Қазақтың текті қыраны – Талғат Бигелдиновтің 100-жылдығына арналған іс-шаралар Шымкент қалалық білім басқармасына қарасты №26 Жамбыл атындағы мектеп-гимназиясында тәрбие орынбасарларының жоспарына сәйкес аталынып өтілді.   

       Екі мәрте Кеңес Одағының Батыр атағын алған, авиация генерал майоры Талғат Бигелдиновтің 100 жылдық мерейтойына орай мектеп фойесінде батырға арналған «Мәңгілік Ел алыптары: Т.Бигелдинов» тақырыбымен кітап және фото көрмесі ашылып, тарих бірлестігі ғылыми конференция ұйымдастырды. 

     АӘД пәні мұғалімі Н.Тілес мектеп оқушыларын  Жеңіс саябағындағы ҰО соғысына арналған «Ерлік» мұражайында алып барып, жауға қарсы 305 дүркін ұшып шыққан, сан рет батылдық пен ерліктің, тапқырлық пен шеберлктің үлгісін көрсетіп,
 даңққа бөленген Т.Бигелдиновке арналған ерлік сабақтарын өтіп болашақ жас қырандарымызға өнегелі сабақ көрсете білді.

     Сонымен бірге мектеп оқушылары арасында Талғат Бигелдинов Кубогы үшін шағын футболдан спорттық турнирлер ұйымдастырылды. 

     Талғат Бигелдинов қазақ ұландарына Отан қорғаудың өшпейтін өнегелі ізін қалдырған батыр. Ол көк жүзінде қаһарман ерліктердің ерекше үлгісін көрсеткен аты аңызға айналған айтулы тұлға екендігі баршамызға аян. 

Батыр қыранға қарап, бой түзейтін ұлан-ұрпақтарымыз мол болсын!