«ӨНЕГЕЛІ БІР САҒАТ»

 Шымкент қалалық білім басқармасына қарасты №26 Жамбыл атындағы мектеп– гимназиясында  «Өнегелі бір сағат» жобасы аясында мектеп оқушыларымен тамаша кездесу ұйымдастырылды.  Кеш қонағы болып опера әншісі (сопрано), ҚР еңбек сіңірген әртісі, мемлекеттік сыйлықтың лауреаты, Парижде гранд операда ән салған алғашқы қазақстандық әнші, қазақтың  Майрасы, Майра Мухамедқызы шақыртылды.

      «Қызың болсын моншақты...»  тақырыбымен ұйымдастырылған бұл кеште 

мектебіміздің биші бүлдіршіндері мен жезтаңдай әншілері, күйшілері өз өнерлерін көрсетті. Бүгінгі кештің шәкірттер үшін де, мектеп ұстаздары үшін де берер тағылымы мол болды.

     Мектеп гимназия директоры Қайкенова Гүлсара Жумадуллақызы кеш қонағы Майра Мухамедқызына үлкен алғысын білдірді.