«МЕНІҢ ОТАНЫМ-ҚАЗАҚСТАН!»
Шымкент қалалық білім басқармасына қарасты №26 Жамбыл атындағы мектеп-гимназиясында 25 қазан Республика күніне орай «Менің Отаным-Қазақстан» тақырыбымен мерекелік іс-шара болып өтті. Мерекелік шарада мектеп-гимназия директоры Г.Ж.Кайкенова құттықтау сөз сөйлеп, айтулы мерекенің еліміз үшін маңызы зор екенін атап өтті. Аталмыш шарада мектеп оқушылары ән мен жырдан шашу шашты.
Сонымен бірге Республика күніне орай 5-11 сыныптар арасында «Атамекен» тақырыбында жазба жұмыстары мен «Менің арманымдағы Қазақстан» тақырыбында эссе байқауы, «Қыран елім-Қазақстан» тақырыбында мәнерлеп оқу сайыстары өтті.
«Мектеп парламенті» өзін-өзі басқару ұйымының фракция мүшелері 25 қазан Республика күніне арналған «Республикам-мақтанышым» атты мерекелік репортаж және «Көк тудың желбірегені» тақырыбымен мектеп ұстаздары мен оқушыларына және барша Қазақстандықтарға құттықтаулар жасады. .
1990 жылы 25 қазанда тұңғыш Тәуелсіздік декларациясы қабылданып, еліміз әлем алдында өз еркіндігі мен бостандығын жария етіп, ата-бабамыздың сан ғасырлық арманы жүзеге асқан күн. Яғни бұл күн ұлттық мереке Республика күні.
Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын!